OS FOROS ABERTOS
NO TEMPO LIBRE
Durante o X Interactuando no Tempo Libre (2016) falouse da necesidade de ter un Foro Intermedio entre cada edición de Interactuando, a semellanza do I Foro Aberto no Tempo Libre que se organizou en 2015 para reflexionar sobre a necesidade de retomas as xornadas de Interactuando no Tempo Libre, os contidos das mesmas e o formato de programa.
As inscricións nestes foros son libre e de balde, realizándose a convocatoria a travás da DXXPV.
A continuación tedes a vosa disposición a documentación elaborada en cada Foro Aberto.
Que é un Foro do Tempo Libre?
É un espazo de encontro e reflexión no que están convidadas a participar todas as persoas vencelladas dun xeito ou doutro e activamente á educación no tempo libre en Galicia.
Cando se convoca o Foro do Tempo Libre?
Unha vez ao ano. De xeito intermedio e preparatorio para as xornadas INTERACTUANDO NO TEMPO LIBRE.
Dende cando se convoca o Foro do Tempo Libre?
Dende o 2015.
Naquela ocasión co ánimo de reavivar as xornadas INTERACTUANDO NO TEMPO LIBRE, e dende a segunda edición co ánimo de dar continuidade ás últimas xornadas e preparar as seguintes.
Quen convoca o Foro do Tempo Libre?
A Dirección Xeral de Xuventude e Voluntariado, en colaboración coas persoas que amosan interese e participan nas xornadas anteriores.
Para que se convoca o Foro do Tempo Libre?
Para informar e informarse, para tratar novidades e coñecidos debates, para construír, coñecer, escoitar, aprender e mellorar as condicións da Educación no Tempo Libre.
Para favorecer que existan espazos e canles de comunicación e encontro entre a diversidade de axentes activos no TL.
Para que asegurar que as propostas e iniciativas das últimas xornadas INTERACTUANDO NO TEMPO LIBRE non caian en saco roto... e para sentar as bases para artellar as vindeiras edicións: identificar persoas, temáticas, datas, melloras, propostas...
O que se foi falando na nos sucesivos encontros que se veñen realizando:
1º Foro do Tempo Libre. 27 de Marzo do 2015
25 persoas se reuniron na Casa da Xuventude (Centro Coordinador) de Santiago.
Acordouse reeditar as xornadas galegas INTERACTUANDO NO TEMPO LIBRE.
Aprobouse a estrutura básica das xornadas e as temáticas a abordar nos faladoiros.
X INTERACTUANDO NO TEMPO LIBRE. 6 , 7 e 8 de Maio do 2016
60 persoas se xuntaron no Albergue Xuvenil de Gandarío
Identificouse a necesidade de anovar o decreto en materia de xuventude 50/2000
Identificáronse necesidades de formación e de recoñecemento do sector
Identificáronse problemáticas en materia laboral
Reivindicouse o papel educativo do Tempo Libre
2º Foro do Tempo Libre. 19 de Novembro do 2016
15 persoas se xuntaron na EGAP de Compostela
Acordouse mover as xornadas INTERACTUANDO para o Outono e realizar os Foros na primavera.
Acordouse promover dende a Administración a anovación da normativa en materia de xuventude.
Escolleuse a formación para a inclusión/discapacidade como necesidade formativa prioritaria.
Tratáronse as dificultades de contratación no eido do tempo libre
Proceso participativo para a elaboración dun novo decreto en materia de xuventude:
Elaboración dun primeiro borrador por parte da DXXV. Febreiro 2017
Presentación do borrador e recolla de achegas con axentes locais en Ourense, Lugo, A Coruña, Vigo e Compostela. Abril 2017.
Elaboración dun segundo borrador. Maio 2017
Consideración do segundo borrador no III Foro do Tempo Libre e achega de numerosas suxestións. Maio 2017
Elaboración dun terceiro borrador. Verán 2017
Traballo no XI INTERACTUANDO. Novembro 2017
Elaboración dun cuarto borrador. Decembro 2017
Presentación da proposta para ser convertida en texto normativo. Maio 2018
3º Foro do Tempo Libre. 27 de Maio do 2017
50 persoas se xuntaron no Centro de Novas Tecnoloxías de Conxo, Santiago
Traballouse mañá e tarde en dous grupos: formación e actividades de tempo libre.
Déuselle unha boa volta ao borrador existente e creáronse dous grupos de traballo que nos meses seguintes acabaron aportando o substancial do texto do borrador que foi posteriormente traballado e sancionado no INTERACTUANDO.
XI INTERACTUANDO NO TEMPO LIBRE. 3, 4 e 5 de Novembro do 2017
50 persoas se xuntaron no Albergue Xuvenil de Gandarío
Tratáronse un por un todos os artigos do borrador de decreto, nos distintos obradoiros
Déuselle unha volta á totalidade de artigos, facendo consensuadamente propostas de redacción definitivas
Todos os novos artigos foron aprobados, non sendo en materia de formación e Escolas de Tempo Libre... que é evidente que requiren de máis tempo e máis procesos.
Logrouse o que para algúns semellaba imposible: construír participativamente.
4º Foro do Tempo Libre. 26 de Maio do 2018
Aquí estamos 18 persoas e unha cabra.
Vimos a informar e informarnos
Contribuímos á cultura de participación que conxuntamente estamos construíndo, e na que todas e todos estamos convidad@s a participar. Con espazos de encontro e actitudes de escoita: nos Foros, nos Interactuandos e entre unhas actividades e outras.
Vimos coñecer de primeira man informacións de interese e dialogar estruturadamente con axentes do tempo libre diversos.
Vimos coñecer o estado da tramitación do decreto que participativamente durante o 2017 elaboramos.
Vimos identificar as necesidades de reflexión e traballo máis interesantes para traballar no vindeiro INTERACTUANDO.
Vimos definir liñas básicas para a preparación do XII INTERACTUANDO NO TEMPO LIBRE.