"EDUCACIÓN AFECTIVO-SEXUAL E IGUALDADE DE OPORTUNIDADES DE XÉNERO NO TEMPO LIBRE"
PONENTE: Celso Taboada Lorenzo
► OBXECTIVO
Valorar a importancia da inclusión da formación en igualdade de oportunidades, aeducación afectivo sexual e a inclusión do enfoque de xénero, fundamentalmente nos programas de formación en tempo libre.
► EXPERIENCIA
O interese de incluír este panel de experiencias no Interactuando no Tempo Libre 2016, interesa cara a valorar a importancia da inclusión da formación en igualdade de oportunidades, a educación afectivo sexual e a inclusión do enfoque de xénero, fundamentalmente nos programas de formación de dirección e de monitoras e monitores de tempo libre, e a súa posterior aplicación transversal nos campamentos e outras actividades de a accións coa xuventude e a infancia.
Reflexionaremos sobre valorar nos contidos a ter en conta na nosa formación como:
-
Aprendizaxes sobre os conceptos de sexo, identidade de xénero, expresión dexénero e diversidade sexual. A construcción da subxetividade do xénero.
-
Bases do sexismo na comunicación. Publicidade e sexismo.
-
Modelo de beleza-modelo de violencia. Hipersexualización e erotización das nenas. Contrapublicidade con enfoque de xénero.
-
Desmontar os mitos do amor romántico.
-
Obradoiros: rompecontos. A transmisión dos roles sexistas nos contos de fadas. Análise dos contos.
-
Xogos para a igualdade. Como xogamos. Xoguetes non sexistas.
-
O papel das persoas educadoras como parte fundamental dentro do xogo e crecemento persoal de nenas e nenos.
-
As diferentes formas de violencias.
► REFLEXIÓN
Estes contidos que aquí priorizo, foron incluídos en 4 cursos de formación de Monitoras/es de Tempo Libre nos Concellos de Lalín e de Vedra e aplicados posteriormente en Campamentos Urbanos e de Verán durante os últimos 2 anos.
► DATOS DE CONTACTO
Celso Taboada Lorenzo
Axente de Igualdade e Técnico de Xuventude no Concello de Lalín
Psicopedagogo
Docente na ETL Aloumiña
axentedeigualdade@lalin.gal